升呢C朗助攻帶帽 文迪蘇傑爽住收禮
20180930
東網電視
更多新聞短片
C朗(右)今場交出3次助攻。(法新社圖片)
今晨上演嘅意甲榜首大戰祖雲達斯主場對拿玻里，最終「斑馬兵團」以3比1反勝拿玻里，全取3分，開季7戰全勝排榜首，氣勢勁到冇朋友！「祖記」今場贏波，最大功臣又係首席球星C朗拿度，不過令人意外係，呢位葡萄牙球王今次唔係靠入波幫球隊，反而係交出咗助攻帽子戲法，問你服未！
查實以後C朗經常被批評要長期靠隊友助攻交靚波，先識入波，永冇話幫到隊友建攻去幫助球隊，不過今場波就係C朗省靚招牌一戰，就喺拿玻里領先之際，佢上下半場合共交出3次助攻，其中兩球係交畀克羅地亞中鋒文迪蘇傑，仲有球係助攻畀邦路斯，C朗嘅全能打法，再次證明自己球王級數，喺意甲真係可以打橫行呀！
東網體育同你追實體壇每個精彩時刻！