【寸王大限】費爵爺：好擔心曼聯淪為笑柄
20180930
東網電視
更多新聞短片
(Getty Images)
「紅魔鬼」曼聯開季戰績奇差，加上更衣室內訌搞到一地花生，傳媒日日唱莫連奴幾時下台，球迷議論紛紛，有消息指近日大病康復嘅前領隊費格遜亦有為球隊出現嘅問題表達意見，費爵爺向身邊友人表示，最怕球隊變成馬戲團表演咁淪為笑柄，令危機加深。
帶領球隊奪得13個英超冠軍及兩屆歐聯錦標嘅費格遜，令曼聯成為英超最成功球會，不過光輝已成過去，英媒收到風，早前入場觀看曼聯對狼隊一仗嘅費爵爺，向身邊朋友表達憂慮，佢認為球隊危機日漸加深，以往喺佢領導之下，無論訓練場或球場嘅問題都能夠內部處理，但依家啲負面嘢攤晒出嚟，好似馬戲團表演咁任人睇。
費格遜認為，高價回購保羅普巴，以及普巴經理人Mino Raiola，導致球隊出現一連串問題。
曼聯董事局內，與費爵爺觀點接近嘅人仲有卜比查爾頓，對於球隊表現唔夠好睇及經常爭吵，都令佢老人家好唔高興。
東網體育FB同你追實體壇每個精彩時刻！
Follow東網體育IG一齊撐本地運動員！