反曼躉抽水大聯結 莫耶斯聲言撐莫連奴
20181001
東網電視
更多新聞短片
(Getty Images)
莫連奴剛「追平」莫耶斯嘅曼聯最差開季紀錄，紅魔內部風雨飄援，英媒都好軍真，訪問咗莫耶斯嘅睇法，當大家以為莫耶斯會乘機抽水，點知剛剛相反，莫耶斯認為唔可以怪晒領隊，場上球員都要為差劣成績負責。
莫耶斯上季尾離開韋斯咸後，暫時休息緊，當日佢執教曼聯期間，球隊成績唔掂，莫連奴都曾經抽過佢水，今次真係風水輪流轉，曼聯今季7戰得10分，竟然平咗莫耶斯當年嘅最差紀錄，但莫耶斯並無抽莫連奴水喎。
佢話：「我唔認為領隊要承受所有批評，球員都有責任，佢哋係時候企出來。」或者莫耶斯係感同身受，莫連奴嘅處境，當年佢都受過，所以先有呢一番說話。
東網體育FB同你追實體壇每個精彩時刻！
Follow東網體育IG一齊撐本地運動員！