就嚟唔係新聞 卡利奧斯歐霸又派膠！
20181005
東網電視
更多新聞短片
延伸閱讀：
【世紀Miss堅核突 車迷：退休啦莫拉達】
利物浦「膠龍之霸」卡利奧斯，上屆歐聯決賽兩番神級派膠，搞到紅軍痛失歐聯錦標，成為全球球迷笑柄，絕對係當今球壇首席Cult Hero。今季佢被借到土耳其比錫達斯轉踢歐霸，以為佢踢次級歐戰會好啲？咪傻啦，卡利奧斯依然係卡利奧斯，對手一次出波雖然係省中己隊守衞，但佢依然有大把時間將皮球托出底線，不過卡利奧斯跳起時間完全錯晒，皮球應聲入網，成功令大家又記起佢。
卡利奧斯於歐聯決賽，一次直接掟個波畀賓施馬射入，一次拍加里夫巴利射門入網，於艾利臣比加轉投利物浦後，卡利奧斯嘅紅軍生涯基本上已經玩完。以為佢去到比錫達斯會重新振作，但原來唔派膠就唔係佢，今場又膠多次，累比錫達斯0:2不敵馬模。土耳其球迷出名癲喪，卡利奧斯今仗之後，一定收到勁多「問候」！
延伸閱讀：
【世紀Miss堅核突 車迷：退休啦莫拉達】
東網體育FB同你追實體壇每個精彩時刻！