等緊車仔找尾數 干地出年上「艦」

20181012
東網電視
更多新聞短片
(Getty Images)
西甲班霸皇家馬德里近況低迷,連續4場不勝兼未有入波,搞到教練洛佩特吉成為各界怒轟對象,甚至有指皇馬高層有意將佢辭退添!至於繼任人,就暫時都未算有太多頭緒,不過今日就有消息傳出,「銀河艦隊」高層睇中咗前車路士領隊干地,可能會喺2019年正式搵佢接手。
至於點解仲要等到出年?原來干地今夏畀車路士炒魷之後,到依家都未收到任何賠償,如果「車仔」最終唔肯賠錢,干地將可能要同「車仔」對簿公堂追數,而喺佢收錢之前,干地暫時將唔能夠開新工教波。
當然,「銀河艦隊」據聞對干地都係志在必得,嚟緊會向呢位意大利名帥開出一份吸引力十足嘅合約。依家只要等時機一到,炒洛佩特吉,請干地任教就會正式落實。
東網體育同你追實體壇每個精彩時刻!