【結束邊緣化】馬體會高價搶卡雲尼
20181013
東網電視
更多新聞短片
（Getty Images）
烏拉圭大隻前鋒卡雲尼，近年於PSG發展唔錯，更取代伊巴謙莫域成球會史上神射手。不過到尼馬及基利安麥巴比時代來臨後，卡雲尼被兩名巨星邊緣化，踢到愈來愈冇癮。西甲馬體會睇準時機，希望於一月斥巨資5000萬鎊收購。
卡雲尼本季雖然已有5個士哥，但早前有數字顯示，尼馬同麥巴比勁少傳波予卡雲尼，反而佢兩個就周時眉來眼去互相傳送，卡雲尼當然感到不是味兒。事實上卡雲尼依然勁踢得，力足同基沙文及迪亞高哥斯達組成強勁攻擊三叉戟，而卡雲尼亦可夾番國家隊隊友如高甸等，相信卡雲尼會好願意加盟。
東網體育同你追實體壇每個精彩時刻！