普巴離唔離隊 格拉沙家族原來咁睇
20181013
東網電視
更多新聞短片
（Getty Images）
曼聯本季風雨飄搖，成績麻麻之外，領隊莫連奴同陣中主力關係極僵，其中同法國球星保羅普巴更水火不容，早前就公開承認因不滿普巴演出，因而褫奪該名俄羅斯世界盃冠軍成員嘅副隊長銜頭。因同普巴關係惡劣，曾傳出寸王希望將佢賣走，但曼聯老細格拉沙家族，究竟點睇普巴呢？
據英國《太陽報》報道，格拉沙家族認為普巴人氣及實力兼備，有力成為球隊長久生招牌，仲睇好佢可以成為紅魔鬼嘅美斯，所以就算巴塞隆拿或祖雲達斯對佢極有興趣，根本就無意將佢出售。所以喺呢場權力角力當中，寸王重要性就不及普巴，莫連奴要保住帥位，就應該從速同普巴修補關係，同心協力助曼聯度過目前難關。
東網體育同你追實體壇每個精彩時刻！