莫迪歷瘋狂跌Watt 係不能定係不為？
20181013
東網電視
更多新聞短片
（法新社圖片）
克羅地亞隊長莫迪歷，於俄羅斯世界盃表現精彩至極。帶領皇馬完成歐聯三連冠後，莫迪歷於世盃展現世界級表現，協助格仔兵團殺入決賽，最後雖然不敵法國一樣贏得全球掌聲，擊敗C朗勇奪世界足球先生實至名歸。不過呢名好波之人，於新季西甲及於國家隊，演出卻無以為繼，尤於歐國聯為甚，究竟莫迪歷出現乜嘢問題？
世界盃於所有足球員眼中，都係最重要賽事，莫迪歷於該項賽事場場搏盡，由16強到4強三場賽事，格仔軍都要踢足120分鐘，莫迪歷均以身作則拚命爭勝，佢早前就講過，世盃令佢身心俱疲，無論係體力上或心理上都仲未復原，狀態一直未達巔峰。呢個係魔笛近期表現回落嘅主要原因。
另外莫迪歷已經32歲，自然會揀波踢，誠如利物浦領隊高普所言，歐洲國家聯賽係當今球壇最冇意思嘅比賽，故有理由相信，唔少球星對歐國聯賽事都會有所保留。克羅地亞於歐國聯首仗就狂吞西班牙六蛋，剛啱對英格蘭，格仔兵團一班球員均冇腳好波，踢來有神冇氣，克羅地亞絕非踢完世界盃後就大幅回塘，只係輕視歐國聯嘅一種表現，相信未來歐國盃外圍賽開打，格仔兵團就會脫胎換骨。
東網體育同你追實體壇每個精彩時刻！