返國家隊又生猛！盧卡古2粒送別亨利
20181013
東網電視
更多新聞短片
比利時前鋒盧卡古差唔多1個月冇幫曼聯入過波，不過佢返到國家隊即刻生猛晒，今晨(周六)歐國聯對瑞士個人梅開二度，帶領「歐洲紅魔」贏2比1，近3次代表國家隊上陣入咗5球，果然離開曼聯即刻成個人生猛晒！
盧卡古踢比利時特別醒神，其中一個原因可能係法國傳奇射手亨利做助教，有呢位超級前鋒指點，盧卡古自然得心應手，好可惜係亨利已經答應執教法甲勁旅摩納哥，據報雙方已經簽約3年，今場波好大機會係亨利喺比利時告別戰，盧卡古呢2個入波就成為送別亨利嘅禮物。
東網體育FB同你追實體壇每個精彩時刻！