封殺高哥連！俄足總：你去中國踢波啦！
20181013
東網電視
更多新聞短片
俄羅斯球星高哥連同馬馬耶夫日前喺咖啡店虐打政府官員案件，2位球星被捕後一直扣留，據報佢哋等待審訊期間都唔會獲釋，預計未來2個月都要喺監獄度過。俄羅斯足總發言人列比迪夫更表示，高哥連同效力球會辛尼特嘅合約到季尾就完結，而成個俄羅斯都唔會歡迎佢留低，列比迪夫表示：「我唔相信辛尼特會向佢開出新約，一個有刑事紀錄嘅球員會嚴重損害球會聲譽，我亦深信冇一間俄羅斯球會會收留佢，高哥連嘅俄羅斯足球生涯已經完結，佢可能可以去哈薩克或者中國繼續踢波，但俄羅斯同歐洲嘅大門已經對佢關閉。」
東網體育FB同你追實體壇每個精彩時刻！