亨利教練生涯啟動 重返母會超感人
20181013
東網電視
更多新聞短片
(互聯網)
落實喇！法國名將亨利轉任教練生涯第一擊，正式落實係佢球員生涯母會摩納哥喇！之前喺比利時國家隊做助教嘅佢，經已同呢支法甲老牌勁旅簽約到2021年，各位亨利迷，嚟緊齊齊為佢繼續打氣呀！
之前盛傳推咗英冠阿士東維拉教職聘約嘅亨利，話好感激母會肯畀機會佢：「首先，我要多謝摩納哥肯畀呢個機會佢，因為摩納哥喺佢心內有非常特別位置。我好開心可以返嚟，並期待住嚟緊嘅挑戰，我已經急不及待想同球員會面展開新工作。」亨利嘅教練團隊，據報包括賓菲加U23教頭查夏奧同阿仙奴青訓學院教練安柏度。
現年41歲嘅亨利，喺摩納哥青訓體系出身，1994年轉踢職業，喺摩納哥度過5季之後，先轉往祖雲達斯發展，繼而平步青雲，成為法國一代射手。摩納哥行政總監華斯利耶夫話亨利好得到佢哋管理層及球迷信任，一定可以完成任務，同時又大讚亨利嘅足球知識同熱情。」
東網體育同你追實體壇每個精彩時刻！