咁都得？卡斯辛奴又又又掛靴喇！
20181013
東網電視
更多新聞短片
(互聯網)
掛靴復出又掛靴！職業球員生涯走過高山低谷起起跌跌嘅前意大利國腳卡斯辛奴，繼早排宣布復出球壇，去到意丙球會恩特拉跟操，兼踢咗場熱身賽，交出3次助攻之後，今晚又突然宣布決定「正式」掛靴喎！呢位昔日天才話自己已經失去咗對足球堅持嘅心態，所以唔想再繼續喎，問你服未！
卡斯辛奴話：「親愛嘅朋友，呢一日終於來臨，感謝恩特拉畀我呢次機會，我祝福佢哋一切順利。喺幾日嘅訓練中，我意識到我唔再有持續訓練嘅心態。足球係需要激情同天賦，最重要係有決心，但依家我仲有其他事情更想做。」呢位前皇馬球星話最後要多謝朋友、隊友、對手同教練，更重要係向球迷致敬。佢話足球帶畀佢好多嘢，包括遠離貧窮，而依家佢想開始自己人生嘅下半程，希望冇足球幫助之下，都要做得好喎！希望你呢個壞孩子真係生性啦！
東網體育同你追實體壇每個精彩時刻！