【有片】Q桿掃紅波 火箭賽後狂耍冧
20181020
東網電視
更多新聞短片
(互聯網)
中國18歲小將羅弘昊近日參加英格蘭桌球公開賽，可謂新聞多多，日前佢喺64強擊敗英國杜菲之後，對方嫌佢去完廁所冇洗手而拒絕握手，佢反指對方辱華而成為新聞主角，嚟到周六凌晨8強賽事，羅弘昊面對「火箭」奧蘇里雲，竟然令火箭罕有地郁波唔自首，結果火箭反勝5比3殺入4強，羅弘昊可謂雖敗猶榮。
8強階段採9局5勝，羅弘昊毋懼對方名氣主動出擊，一度領先3比2，去到關鍵第6局，火箭用長桿打遠枱期間，球桿掃到枱上紅波，電視畫面清楚睇到，相信火箭自己都感覺到，但佢冇向女球證自首，而裁判因為即場冇察覺而讓比賽繼續，結果火箭連下三城反勝5比3晉級。
奧蘇里雲擊敗羅弘昊，賽果相當正路，但因為發生呢件事，就令火箭賠上聲譽，因為桌球係紳士運動，如果郁咗波犯規，通常都會自首，但今次火箭冇咁做，因為如果佢自首而畀對手進攻，隨時會輸埋呢局變落後2比4，到時邊個晉級真係好難講。賽後火箭亦被桌球壇圍攻，鬧佢冇風度，甚至有網民鬧佢係騙子。今場比賽，羅弘昊可算係光榮出局，但咁又算唔算辱華呢？
賽後，奧蘇里雲接受大會即場訪問，當場有白旋風韋德做客席嘉賓，主持人特別將當時一局的重播，「奧蘇」一邊睇一邊講「Oh no..」，跟住就對此道歉，並表示當然真是看不到，球證亦無叫停。他賽後補充：「Oh sXXX，我真係100年來都沒有試過，如果佢哋唔介意，我很樂意重賽。」
東網體育FB同你追實體壇每個精彩時刻！
Follow東網體育IG一齊撐本地運動員！