【車魔撞到正】山神失戀沉淪 決1月鬆人
20181020
東網電視
更多新聞短片
曼聯球星阿歷斯山齊士今年1月加盟後，狀態每況愈下，近期更加失去正選位置，據英國《每日郵報》爆料，呢位智利國腳突然大跌Watt，原來同佢感情生活不如意有莫大關係，消息更指「山神」已決意明年1月離開曼聯呢個傷心地，尋找人生新一頁。
A山上個月喺社交網宣布同美迪洛迪古絲分手，但消息指兩人其實喺幾個月前已經情海翻波，多次傳出分手消息，而A山亦喺呢段時間狀態大跌。《每日郵報》引述知情人士話，A山受到呢次分手事件嚴重影響，而且至今都未能平復，令佢更加難融入曼徹斯特生活，由於球場內外都出現問題，A山已決意1月離開傷心地，轉會兼轉換新環境。
啱啱為智利踢完國際賽嘅A山，周四飛返曼徹斯特後一個人孤伶伶飲咖啡，由於佢比其他隊友更遲歸隊，亦缺席周四嘅曼聯操練，所有佢喺今晚(周六)對車路士一仗擔正機會唔大。
東網體育FB同你追實體壇每個精彩時刻！