港超聯　慕沙兩粒！佳聯元朗5比1炒夢想FC

「中銀人壽香港超級聯賽」周六（20日）尾場由佳聯元朗對夢想FC，元朗憑慕沙梅開二度，加上葉子俊、陳廣豪、基爾頓各建一功，最終以5比1進步夢想FC。

開賽僅6分鐘，主場出擊的元朗便取得領先優勢，前鋒慕沙把握對手後防犯錯，頂入空門。18分鐘，中場基斯趁對手解圍不遠勁射，僅柱邊出界。這位巴西中場隨後在25分鐘接應基爾頓傳中頭槌攻門，惜同樣未能命中。其後雙方多於中場拉鋸，未能製造具威脅的攻門。戰至44分鐘慕沙於禁區邊避過對手後起腳中柱，元朗保持1球優勢回更衣室。

易邊後，元朗繼續搶攻，59分鐘再下一城，葉子俊右路推橫起腳，皮球直飛遠柱死角，為元朗擴大領先優勢。10分鐘後元朗再有進帳，基爾頓右路傳中，慕沙門前撞入成3比0。落後的夢想並未有放棄，71分鐘拿祖搏得12碼，親自操刀射入，追近比數至1比3。4分鐘後，元朗再度拉開差距，陳廣豪左路推大位抽射入網。4比1還不是最終比數，今仗表現活躍的基爾頓於91分鐘射入12碼「埋齋」，最終元朗以5比1擊敗夢想FC。

賽後佳聯元朗主教練郭嘉諾表示：「我覺得大家距離唔大、互有攻守，不過球隊上半場太過保守，球員驚輸所以好多長波，下半場放膽好多、用多啲波，有番啲成果，唯一係失咗1球有啲失望。」此外，他點名讚揚中場基斯的表現：「佢好唔起眼，但係好緊要！」