世界第1唔滿足 安儀仲有個更難挑戰
20181020
東網電視
更多新聞短片
吳安儀今日比賽三戰全勝。（林卓臻攝）
亞洲女子桌球邀請賽周六(20號)於觀塘宇宙桌球會開打，「四眼Q后」吳安儀連同一班精英港將包括溫家琪及葉蘊妍等強陣出戰，為嚟緊嘅澳洲女子公開賽，以及年終幾場世界級賽事作熱身，力爭穩固自己的「一姐」地位。不過，安儀的目標似乎不止限於在女子界別，未來更傾向跨界於男子組發圍，進一步在職業生涯取得突破。
安儀年初首次登上世界1姐寶座，不過她接受訪問時，就直言沒有太介意排名，反而已經展望下一個挑戰，就是要爭取在男子賽事中取得更佳成績：「嚟緊想打多啲男子組比賽，包括爭取出戰Challenge Tour(桌球挑戰巡迴賽)。過去幾次參加男子賽都唔係好滿意自己表現，睇得出自己同對手嘅差距，不過亦都確信可以打得更好，希望可以進一步提高自己嘅水平。」
賽事首次於香港舉辦，不過這次作為東道主的安儀，坦言在自己地頭作賽，比在外國更具壓力：「雖然今次話係主場出擊，不過亦因此會畀自己更大壓力，希望喺主場球迷面前打出水準，所以我覺得喺香港比賽其實唔容易。」這位世界一姐賽事首戰面對新加坡球手陳美燕，就直落3局輕鬆取勝，搶得完美開局，及後再贏兩場，搶得首天完美開局。
不過今次她的頭號對手肯定非來自泰國的勒查露(Nutcharut Wongharuthai)莫屬，而安儀就大讚這位球壇新星實力強勁：「佢喺一位基本功好好嘅球手，尤其打遠枱波好准，近年進步好快。」今年内幾次對住呢位泰國新星都曾失手飲恨而回，迫使這位世界一姐開始檢討自己的心態：「我覺得係對自己嘅警示，話畀自己聼要不斷爭取進步。」比賽明天繼續。
東網體育FB同你追實體壇每個精彩時刻！
Follow東網體育IG一齊撐本地運動員！