愛華頓淨勝兩球 真功臣係神龍呀
20181022
東網電視
更多新聞短片
(法新社圖片)
英超周日獨腳戲，由愛華頓主場對水晶宮，今場波雙方打到完場前4分鐘都仲係0比0打和，不過「拖肥糖」喺87同89分鐘分別由卡維特利雲同辛克杜辛各入一球，以2比0取勝，寫下聯賽3連勝佳績。不過要數「拖肥糖」今場最大贏波功臣，一定係佢哋個鋼門比克福特，佢唔止救出唔少威脅射門，最緊要係水晶宮中場米利禾積域嘅極刑，令愛華頓唔使落後。比克福特今夏開始成為英格蘭國家隊首席門將，依家愈踢愈好，認真抵讚！
東網體育同你追實體壇每個精彩時刻！