勒夫接班人曝光　新鼻屎王搵寸王祭旗

德國國家隊領隊勒夫近期備受下台壓力，但究竟幾時先會被炒，邊個可以做佢繼任人，暫時都係冇乜頭緒。不過，想接勒夫班，除咗教德國隊，仲有其他方法嘅，就好似平時個人衞生勁差嘅佢，最鍾意係一邊領軍出賽，就一邊玩鼻屎，勢估唔到依家連佢呢個「鼻屎王」頭銜，可以搶先搵到同路人、甚至係接班人，呢個就係車路士領隊沙利喇！

話說喺上周末車路士對曼聯賽後，因為有車路士助教完場後走去「寸王」莫連奴面前做出挑釁行為，結果幾乎引發大衝突，事後「車仔」領隊沙利就走埋去搵「寸王」道歉，就搏得莫連奴大讚。二人都好似算係有偈傾，不過有網友眼利就睇到沙利原來去搵「寸王」傾偈之前，竟然已經搶先「採礦」，然後再喺送走「寸王」一刻，竟然偷偷將鼻屎抹去莫連奴嘅西裝背面，認真醜惡呀！

東網體育同你追實體壇每個精彩時刻！　

https://goo.gl/ewVpvE