【仙魔戰】癲狂數據！奧巴美揚好變態呀
20181205
東網電視
更多新聞短片
阿仙奴前鋒奧巴美揚上場聯賽對熱刺梅開二度後，追平英超一項超變態數據！原來呢位加蓬射手喺英超對上10次中龍埋門，全部都可以轉化為入球，命中率係100%！對上一個成功救出奧巴美揚射門嘅龍門，已經要數到8月25號韋斯咸門將法比安斯基啦！
10次中龍射門入10球嘅數據，令奧巴美揚追平南非前鋒麥卡菲保持嘅英超紀錄，呢位布力般流浪名將喺2007年10月完成「10射10中」壯舉。奧巴美揚下個對手就係曼聯門神迪基亞，唔知仲可唔可以一擊即中呢？
東網體育FB同你追實體壇每個精彩時刻！
支持本地運動員，一齊去「睇體」！