總結：8個月！常規賽冠軍變西岸尾3

東網電視

占士夏登同基斯保羅(左圖左)同時表現低迷。(互聯網)

火箭喺NBA作客以91:118慘負爵士，占士夏登同基斯保羅同時表現低迷，結果火箭連輸2場，由8個月前歷史性奪得常規賽冠軍，淪落為依家喺西岸跌到尾3位置！

雖然火箭開局領先，爵士又有高拔喺開波3分鐘發脾氣搗亂被逐，可惜占士夏登得15分、6個籃板同2次助攻，基斯保羅得12分、1個籃板同5次助攻，就算CP3職業生涯得分突破17,000分都冇用。相反米切爾夢游得6分、1個籃板同2次助攻，爵士都2連勝。

作為上季常規賽冠軍，目前火箭喺西岸跌到尾3位置。賽前基斯保羅同記者講，覺得唔會有球隊喺季後賽贏到火箭，但曾經協助塞爾特人奪得總冠軍嘅皮雅斯，睇死佢哋失去爭奪總冠軍嘅資格，仲話佢哋連季後賽都未必入到，認真大件事。

同日，塞爾特人喺主場以128:100掃低紐約人，艾榮取得22分、4個籃板同8次助攻，即使希禾特以後備身份上陣6投得2中，全場得8分、6個籃板同4次助攻，依然幫到塞爾特人4連勝，證明仲有能力爭奪東岸冠寶座。

最新賽果(左方主場)

塞爾特人 128:100 紐約人

拓荒者 108:86 太陽

爵士 118:91 火箭

支持本地運動員，一齊去「睇體」！

東網體育FB同你追實體壇每個精彩時刻！

on.cc東網