港超聯 陳肇鈞起孖！和富大埔半場領先
20181208
東網電視
更多新聞短片
(司徒子文攝)
毋需登入，立即睇直播：
註冊成東網會員，有波睇又有「福利」：
【15:23】「中銀人壽香港超級聯賽」周六（8日）頭場於大埔運動場上演，由和富大埔迎接理文挑戰，主隊憑陳肇鈞個人梅開二度，半場領先2比0。
為保爭標希望，和富大埔今仗表現積極，客軍的顏樂楓開賽初段因傷要到場邊治理，「綠戰士」隨即把握暫時踢多一人的優勢，由陳肇鈞接憑伊高沙托尼的左路傳送近門射入，於6分鐘打開紀錄。
主隊隨後不乏射門機會，惟哈利及李家豪先後於右路起腳，均未能再下一城。落後一球的理文，22分鐘有史提芬彭利拿中路遠射入網，惜球證示意越位在先入球無效。主隊強攻至34分鐘再入進帳，伊高沙托尼左路殺入禁區扭過余煒廉交予門前的陳肇鈞衝前撞射，拉開到2比0。
【14:25】「中銀人壽香港超級聯賽」周六（8日）開火，由和富大埔於主場大埔運動場迎接理文挑戰，主隊的杜度因傷未能上陣；而上仗因傷退下火線的史提芬彭利拿今場續任正選，雙方陣容如下：
和富大埔陣容：
99 曾文輝，3 艾華度，4 梁冠聰，6 翟廷峯，7 黃威 [C]，14 哈利，15 馮慶燁，16 陳肇鈞，18 伊高沙托尼，19 大衛拉菲爾，26 李家豪
理文陣容：
88 袁皓俊，5 干沙利斯，6 余煒廉，7 史提芬彭利拿，9 雲貝基，15 黃駿軒，16 顏樂楓，20 白智勳，27 陳衍光，29 余沛康，92 梁嘉恆
「中銀人壽香港超級聯賽」今午開火，和富大埔於主場大埔運動場迎接理文挑戰，雖然和富大埔今個月要應付菁英盃及高級組銀牌4強賽，然而主教練李志堅表明，球隊失分空間已不多，誓要在理文身上全取3分，on.cc東網火熱直播！ （on.cc東網周六下午2時30分直播）文：何彥霆
和富大埔上場聯賽作客跟東方龍獅踢成0比0，儘管未能全取3分，主教練李志堅認為球員表現已不俗︰「球員上場表現得好好，入球機會亦比對手多，雖然未能得到最想要嘅結果，但佢哋付出咗100%。始終0比0嘅賽果喺港超都比較少見，上場兩隊都有出色嘅前鋒，證明雙方都好小心應付場波。」
「堅Sir」讚球員畀足100%
「堅Sir」強調今仗勢要贏波，才能保住聯賽爭標希望︰「雖然依家落後榜首球隊5分，但我認為仲有機會爭標，只係球隊需要做得更加好，失分嘅空間都唔多。」至於傷患方面，大埔目前有杜度鼠蹊傷勢尚未完全根治，幸情況已持續改善，早前受傷的梁星耀則已復操。
上仗於主場跟冠忠南區打成1比1的理文，主帥陳曉明認為該仗戰果合理，並期望球隊來年增兵後能夠出現新局面︰「上場雙方形勢都比較緊湊，和波係可以接受嘅賽果，其實球隊今年嘅定位都係中游或中上游。目前處於增援階段，希望增援後同對手實力拉近，我哋可以提升到更高嘅層次。」
談到理文目前最需要改善的地方，「曉明Sir」認為在入球能力方面︰「上仗上半場有幾個單刀埋門都處理得唔係咁好，始終埋門講求球員個人水平，唔能夠練一練就改善到。講失波，我哋唔係最多嗰隊，但入球率就比元朗、夢想等球隊仲要低，平均1場都入唔夠1球，固然係相當之低，只要解決呢個問題，隊波自然能夠提升番好多。」