總結：球迷好現實！火箭主場搞成咁
20181212
東網電視
更多新聞短片
占士夏登要拯救火箭嘅入座率。(美聯社圖片)
火箭喺NBA主場以111:103擊敗拓荒者，占士夏登攻入29分，基斯保羅交出3雙，協助火箭結束3連敗。不過美國有記者發現，今場火箭嘅入座率超低，打完第1節都有近半吉位，搞成咁，網友都覺得球迷好現實。
其實火箭贏得唔易，等到第3節占士夏登爆發，先至能夠反超前比數，而且晏尼斯喺第3節拉傷腿筋離場，暫時未知傷勢有幾嚴重。最後占士夏登有29分、1個籃板同4次助攻，基斯保羅有11分、11個籃板同10次助攻，事隔兩年再拎3雙協助火箭贏波。
可惜，今季火箭戰績大倒退，搞到部分球迷失去入場興趣。美國有記者發現，開波後球場大有量吉位，就算火箭球迷出名習慣遲到，都唔太尋常，特別係打完第1節，估計都有過半吉位未有人坐，同上季火箭歷史性奪得常規賽冠軍嘅盛況差好遠。
同日，馬刺喺主場以111:86擊敗太陽，雖然迪羅辛離譜失準得5分、2個籃板同9次助攻，不過艾迪列治有18分同5個籃板，協助馬刺3連勝反彈，造就教練普波維治累積1,211場勝仗，超越萊利個人獨享聯盟歷史第4位。相反，太陽10連敗繼續衰。
最新賽果(左方主場)
火箭 111:103 拓荒者
馬刺 111:86 太陽
快艇 99:123 速龍
支持本地運動員，一齊去「睇體」！
東網體育FB同你追實體壇每個精彩時刻！