歐聯又失三粒 高圖爾斯創羞家紀錄
20181213
東網電視
更多新聞短片
（Getty Images）
雖然已經攞咗歐聯首名出線資格，但於巴拿貝畀莫斯科中央陸軍怒炒3:0，門將泰拔高圖爾斯三次從個網度執番個波出嚟，塊面黑過鑊撈。呢名比利時一號門將，轉投皇馬後遇着球隊低潮，本季各項賽事已失32球，艾達臣摩拉斯上季於曼城，全季只失31球。
睇番今場戰情，其實皇馬所失三球都唔多關高圖爾斯事，失第二粒佢更係先救出對手近射，之後先被中央陸軍球員補中，不過佢高調逼車路士放人，就得罪咗車仔球迷，另外佢加盟之後即時頂替基羅拿華斯打正選，後者係歐聯三連霸功臣，加上球隊成績差劣，令極大部份皇馬球迷，都將矛頭直指高圖爾斯。
東網體育FB同你追實體壇每個精彩時刻！
支持本地運動員，一齊去「睇體」！