太涼薄！莫拉達受傷車迷嗌「聖誕快樂」
20181214
東網電視
更多新聞短片
車路士喺歐霸盃對維迪奧頓一仗派出大量後備上陣，不過西班牙前鋒艾華路莫拉達就擔正，原本諗住喺對手身上入幾球嚟增強信心，點知完半場前受傷提早退下火線。正常情況之下，球迷見到愛隊6,500萬鎊箭頭傷出肯定好擔心，但係車路士球迷見到呢一幕後，反而喺網上瘋狂慶祝！
@Anton_Kay：莫拉達受傷！好消息呀！
@KingDika_：莫拉達受咗傷？我嘅聖誕節提早到臨啦！
@maticc1：我諗莫拉達受傷係必要之惡。
@Gathiti：為莫拉達受傷難過，但咁樣會唔會促使車路士1月買新前鋒呢？
@ab__dalla：感謝主！莫拉達受傷，車仔一定要買人或者收番巴舒亞伊啦！
不過，車路士領隊沙利賽後表示，軍醫初步檢查認為艾華路莫拉達傷勢唔算嚴重，應該唔使休息太長時間，車迷睇嚟「一場歡喜一場空」啦！
東網體育FB同你追實體壇每個精彩時刻！
支持本地運動員，一齊去「睇體」！