水魚出沒！廣州恒大5.7億搶購馬爾甘
20181217
東網電視
更多新聞短片
(Getty Images)
中超豪門廣州恒大又向巴塞隆拿挖角，今次目標直指馬爾甘，準備下月冬季轉會市場重開後出手，據悉轉會費高達6500萬歐元(約5.4億港元)。
呢位現年22歲嘅巴西前鋒原本今夏由波爾多轉投羅馬，但臨時改變主意，加盟巴塞隆拿，轉會費達4100萬歐元，更被視為「美斯接班人」。
不過，馬爾甘根本唔夠奧士文尼迪比利、菲臘比古天奴爭位，更加唔好話威脅美斯同蘇亞雷斯嘅位置，今季西甲只有5次上陣機會，並冇入球，期間仲有2次受傷。
估唔到廣州恒大仲願意高價接收佢，相信巴塞會答應放人。廣州恒大之前曾將巴西國腳荷西保連奴出售畀巴塞，依家又收番，雙方合作愉快，相信有助完成今次交易。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！