【歐聯16強】賠率啟示 曼城巴塞熱到傻
20181218
東網電視
更多新聞短片
(法新社/Getty Images)
歐聯16強抽籤後，馬會足智彩隨即更新奪標賠率，結果顯示曼城同巴塞隆拿兩大熱門由於抽好籤嘅關係，賠率熱上加熱，曼城由原本4.25倍進一步加熱至3.75倍，巴塞亦由5倍調至4.25倍。
曼城在歐聯16強對實力公認最弱嘅史浩克04，評論一致認為藍月亮已經半隻腳入咗8強，好波加埋好運，一直殺落去捧埋盃唔出奇，所以熱到得番3.75倍，至於巴塞隆拿就抽到「第2弱」嘅里昂，里昂喺小組僅以1勝5和只得8分低分出線，又難怪人哋睇唔起佢哋，巴塞賠率加熱亦好正路。
除咗上述兩隊，另有兩隊賠率都熱咗少少，皇家馬德里由抽籤前嘅10倍微調至9倍，羅馬由70倍調整至60倍，至於熱刺、多蒙特、曼聯、波圖嘅賠率都冇變動，其餘8隊嘅賠率都轉冷。
16強對賽
(括弧內為馬會奪標賠率)
史浩克04(300倍) 對 曼城(3.75)
馬德里體育會(20倍) 對 祖雲達斯(8倍)
曼聯(35倍) 對 巴黎聖日耳門(7倍)
熱刺(20倍) 對 多蒙特(28倍)
里昂(125倍) 對 巴塞隆拿(4.25倍)
羅馬(60倍) 對 波圖(125倍)
阿積士(100倍) 對 皇家馬德里(9倍)
利物浦(10.5倍) 對 拜仁慕尼黑(10.5倍)
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！