傑志李毅凱一「槌」定音：我要踢港隊！

「高級組銀牌」周日（23日）假旺角大球場上演的四強戰，傑志以3比1擊敗東方龍獅晉身決賽。在賽事下半場為「藍鳥」頂入領先2比1一球的李毅凱，就他指着自己球衣印字的慶祝動作，於賽後作出解畫，並希望將來自己能夠披上香港隊的戰衣︰「我覺得自己喺香港隊，需要有一個席位，無論表現或者用波方面，我覺得自己喺球場上嘅表現值得入選。呢個入波嚟得好合時，我會好好裝備自己迎接新教練嘅來臨，無論入唔入選到都會繼續做好自己。今場波好關鍵，可以入波幫球隊入決賽，自己好滿意。」