高級銀牌　哈利：我落到場就要改變球賽

「高級組銀牌」決賽組合終在聖誕節（25日）誕生，決賽戲碼為傑志對和富大埔。和富大埔今以3比1擊敗富力R&F，取得另一個決賽席位。在今場4強比賽中後備上陣，身高1米95的澳洲中鋒哈利雖未能取得入球，但頻頻於前場製造威脅，先搏得12碼助球隊收復失地，及後再交出直線，並由勞高射入，為球隊反超前。

賽後這位生於除夕的射手難掩興奮：「贏波係一個好好嘅聖誕禮物同生日禮物，因為我今個星期生日（31日），殺入決賽係一個好好嘅成就，我相信我哋能夠贏冠軍！」他又揚言：「入到決賽唔係睇邊個踢得好，而係邊個最盡力，我哋有好多好肯搏盡嘅球員，決賽對傑志我相信我哋會有好表現！」

今場他雖然先列後備，但他認為球隊比個人重要：「無論正選定後備都冇所謂，我落到場，就係要令球賽出現變化。今場我喺對手體力下降嘅時候上陣，我好開心自己能夠為球隊改變戰局。」