勁葡萄！賓尼迪斯咁樣同高普講嘢
20181226
東網電視
更多新聞短片
(Getty Images)
英超「扑星day」快車，紐卡素今晚會作客利物浦，亦係紐卡素主帥賓尼迪斯回歸倒戈前東家利物浦。今季「紅軍」喺高普領導下，到依家仲高踞英超聯賽榜榜首，贏盡各界讚賞，對於呢位後輩，賓尼迪斯賽前就勁「葡萄」咁話：「佢好彩過我啫！當年我要賣完人先有錢買人，但依家佢就可以使錢買更多好球員，擁有更深厚嘅陣容。正如佢哋可以簽入法賓奴泰華利斯同拿比基達，同時又保有佐敦軒達臣同韋拿杜姆，亦即係話隊內競爭更激烈，正選陣容更強。」其實「肥賓」都唔多使介意嘅，想當年佢加盟首季就幫「紅軍」贏咗歐聯冠軍，09年都幫利物浦攞到英超亞軍，除非高普之後可以幫球隊贏到英超，否則「肥賓」都冇輸到吖。
東網體育FB同你追實體壇每個精彩時刻！
支持本地運動員，一齊去「睇體」！