渣男嘅經典 話你知加納基恩賤成點！
20181228
東網電視
更多新聞短片
(互聯網)
仲記唔記得邊個係加納國腳基恩先？家陣33歲嘅基恩，依家喺土超球會卡塞利效力，之前踢過烏甸尼斯、新特蘭同上海上港等球會，佢近日接受一個加納網站訪問，突然自爆已經破產，仲話自己身家只得600鎊，究竟佢搞邊科呀？
據知，基恩近排原來同老婆搞緊離婚，兼且係自從8月開始，就冇再同老婆及3個仔女見面，仲要係衰到唔肯接聽家人來電。與此同時，基恩原來同個社交名媛妮娜計劃緊結婚，睇埋呢度，相信各位聰明嘅網友，應該估到基恩搞緊乜？
基恩話自己全副身家只得600鎊，又話依家喺卡塞利踢波冇糧出，講到自己做義工一樣，但查實佢之前喺上海踢波，至少都賺咗1,500萬歐元波糧，然後又話佢做生意又賺過2,300萬美元，總之就係大把收入啦！講到底，大家都估佢喺想扮窮扮冇錢，但到時搞掂離婚，就唔使畀老婆分身家咁話！賤到出汁，呢種男人小心有報應呀！
東網體育FB同你追實體壇每個精彩時刻！
支持本地運動員，一齊去「睇體」！