港超聯 借到「張峰」 嘉諾Sir：幫到隊波
20190101
東網電視
更多新聞短片
綽號「GPS峰」的張健峰（右）外借到佳聯元朗後，將穿起23號波衫。（資料圖片）
佳聯元朗在元旦日透過fb專頁公布，獲東方龍獅外借中後場球員「張峰」張健峰，球隊主帥郭嘉諾表示，期待該借將可以盡顯所長，無論訓練和比賽都能幫助到球隊。
元旦日亦是「張峰」35歲的生日，將穿上佳聯元朗23號球衣的他，較早前已開始隨「橙衫軍」操練。對於「張峰」這名新兵，「嘉諾Sir」坦言寄予厚望，他說：「其實球隊開季以嚟，並無一位正式嘅左後衞，要由陳柏衡同其他球員客串，依家多咗可以司職左路不同位置嘅『張峰』，其他球員可以踢番自己擅長嘅位置之餘，戰術同部署方面亦會多咗好多選擇。加上『張峰』嘅傳中球同罰球都處理得好好，絕對幫到陣中好似杜馬思同法比奧呢啲擅頂嘅球員。」
「嘉諾Sir」亦提到與「張峰」有一同參與港隊梯隊的教練工作，認為彼此的教波理念十分接近，深信兩人聯同法比奧將會合作愉快，為球隊提升實力和改善發揮，產生正面之影響。
東網體育FB同你追實體壇每個精彩時刻！
支持本地運動員，一齊去「睇體」！