【冬季轉會】《隊報》爆法比加斯將投摩納哥
20190102
東網電視
更多新聞短片
今季喺法甲深陷降班漩渦嘅名牌摩納哥，1月救亡行動正式展開，據法國權威《隊報》爆料，摩納哥有望今個星期內簽入車路士中場法比加斯。如果轉會落實，法比加斯將會同昔日阿仙奴戰友亨利重逢，亨利上年10月接手執教摩納哥，但係球隊狀態持續低迷，目前排喺聯賽榜尾二位置，預計今個月會大事增兵力求反彈。
法比加斯同車路士嘅合約季尾完結，而且佢喺新任領隊沙利手下極少上陣機會，自然希望尋求新發展。亨利同法比加斯喺2003至2007年間合作，2004為阿仙奴創造過英超全季不敗輝煌紀錄，今次以將帥身份再度合作，又可唔可以令摩納哥逃出生天呢？
東網體育FB同你追實體壇每個精彩時刻！
支持本地運動員，一齊去「睇體」！