中超球隊想簽雲爺爺 梗係傾唔成啦
20190105
東網電視
更多新聞短片
(Getty Images)
雲格自從離開阿仙奴後，一直未有着落，但傳聞就唔少，歐洲各大豪門，甚至連日本國家隊都傳過，最近終於有中超搵佢，該隊就係大連一方，不過傾咗一陣就畀教授拒絕咗。
據報道大連一方代表最近去咗歐洲，獲安排約見兩位名帥，其中一個就係雲格，但過程唔順利，雲格只係禮貌上出席，對於大連一方嘅聘約興趣不大，消息人士透露：「雲格一聽到大連一方要打到最後一輪才護級成功，已經唔想傾，而且大連市喺中國並非一線城市，咁就更加提唔起興趣。」
大連一方見過另一位教練，係葡萄牙籍嘅雅爾迪姆，佢之前教過巴黎聖日耳門，雲格唔制，呢位主帥就成功執二攤。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！