入兩粒都冇用 莫拉達又嚟世紀飛機

20190106
東網電視
更多新聞短片
(互聯網)
英足盃第三圈車路士主場對諾定咸森林,西班牙貴價射手艾華路莫拉達正選上陣,今次落場恰到英冠仔,下半場兩度接應新星赫臣奧杜爾靚助攻,一腳一頭梅開二度,成球隊晉級功臣。但莫拉達始終係派膠巨星,今場又嚟個世紀射失,呢球比佢兩個入波更容易處理、更近龍門,但佢老哥就一腳抽咗上天。莫拉達呀莫拉達,你要膠到幾時呀?
呢球發生喺下半場,當時比數仲係車路士僅領先1球,巴克里於左路妙傳門前,莫拉達離門三碼走到空晒,只要正正常常用掃把腳一撥就入,但佢就偏偏搞唔掂。雖然呢球莫拉達應該係越位,不過旁證就冇舉旗。莫拉達稍後的確係用頭槌建功,但如果呢球入埋就戴帽啦,莫拉達甩轆情況嚴重,難怪始終得唔到沙利重用。
支持本地運動員,一齊去「睇體」!
東網體育FB同你追實體壇每個精彩時刻!