賓施馬空降英超封盤!佢會踢邊隊?

20190108
東網電視
更多新聞短片
(互聯網)
唔係希古恩、唔係卡雲尼,原來車路士吼中賓施馬!車仔兩名前鋒艾華路莫拉達同基奧特,都未能畀到主帥沙利信心,後者迫住用夏薩特打中鋒位置。一月轉會窗重開,車仔密謀買中鋒加強攻力,真命天子係賓施馬。博彩公司立博已經將呢名法國射手,一月轉投車路士嘅項目封盤。
今年31歲嘅賓施馬,09於里昂高檔皇馬後表現一直不俗,不過今季銀河艦隊失去C朗後成績下滑,球隊係時候大換血,故唔介意放走賓施馬。本季佢射入七個聯賽入球,為隊中神射手,雖然年紀唔細但射術仍在,相信可以幫到車仔力爭來屆歐聯席位。
另外,有傳莫拉達將會被借返西甲西維爾。
東網體育FB同你追實體壇每個精彩時刻!
支持本地運動員,一齊去「睇體」!