【冬季轉會】反攻中超 阿仙奴曼聯搶呢件！
20190108
東網電視
更多新聞短片
近年唔少當打球星走去中超「掘金」，不過亦有中超球員「搵夠」之後想重返歐洲，效力大連一方嘅比利時國腳恩歷克卡拉斯高就成為搶手貨！據意大利《天空體育》爆料，英超雙雄阿仙奴同曼聯都有意簽呢位翼鋒，報道更指阿仙奴目前處於領先位置，而且已經同大連一方進行初步接洽。
恩歷克卡拉斯高依家只係25歲，佢上年2月去中超搵食前，喺馬德里體育會亦成為多間豪門爭奪目標，但佢最終以2,650萬鎊轉會費加盟大連一方，消息指如果恩歷克卡拉斯高想走，大連一方將要求拎番同原先畀嘅轉會金額。
東網體育FB同你追實體壇每個精彩時刻！
支持本地運動員，一齊去「睇體」！