【冬季轉會】希古恩經理人飛抵倫敦啦！
20190111
東網電視
更多新聞短片
車路士希望今個月簽入1位前鋒，取代效率極差嘅艾華路莫拉達，據報車仔領隊沙利對拿玻里射手希古恩情有獨鍾，而意大利《米蘭體育報》爆料，希古恩嘅哥哥兼經理人尼古拉斯，近日已經飛抵倫敦同車路士接洽，意味呢單轉會取得突破性進展。
31歲嘅希古恩目前由祖雲達斯外借去AC米蘭，所以車路士想要人，就要得到祖雲達斯同AC米蘭同意，依家連希古恩經理人都飛去倫敦，顯示車路士已得到正面回應。英國《每日電訊報》指沙利希望車路士可以正式提出收購，不過車仔對30歲以上球員一直有嚴格限制，因此唔排除會改為提出借用。
東網體育FB同你追實體壇每個精彩時刻！
支持本地運動員，一齊去「睇體」！