港超聯 和富大埔凱景新兵Show Time

20190112
東網電視
更多新聞短片
入場捧兩隊嘅新兵場啦!
港超聯周日(13日)續演激戰,頭場由和富大埔於主場大埔運動場迎戰凱景。雙方加入新球員後實力提升,今仗為兩隊新球員的「考牌戰」,相信他們定必搏盡,向新東家證明自己實力!
(周日下午2時30分開賽)
和富大埔自去年聖誕節於高級組銀牌擊敗富力R&F後,超過兩周沒有比賽,主教練李志堅坦言球隊傷兵滿營:「勞高啱啱開始復操,哈利唔得、杜度又受傷,有得休息對大部分球員都好嘅,惟有希望佢哋比賽時可以即刻攞番感覺。」球隊於冬季轉會窗引入巴西中場利馬,「堅Sir」期望此子能加強球隊中場控制能力。
客軍凱景在冬季轉會窗頻頻增兵,先從理文借得許嘉樂、域陀,及後再簽入南韓前鋒金玟基以增強球隊實力,主教練馮凱文表示:「許嘉樂、域陀之前合作過,我唔使再摸索佢哋嘅特性。金玟基都有段時間喺度練波,佢停到波、畀到波,埋門能力都好,希望可以解決前線把握力不足嘅問題,不過金玟基工作證仲等緊,希望趕得切今場上陣。」至於早前出戰省港盃的孫銘謙、播磨浩謙、何振廷則會先列後備。