【突發】網絡驚爆猛料 雲格開新工？
20190114
東網電視
更多新聞短片
大件事呀！前阿仙奴領隊雲格終於有新工開喇！查實仲未可以證實，不過近呢一、兩小時，有網民喺網上搜尋器Google度打出「Thailand national team coach」，亦即係泰國國家隊教練，按道理應該係會出現現時看守教練施里沙克「Sirisak Yodyadthai」，又或者頂盡都係出現佢早個星期炒咗嘅前教練拉積域「Milovan Rajevac」個名，但偏偏網友搜尋出嚟嘅結果，竟然係「教授」雲格個名，下面仲寫住兩年合約添！
查實泰國國家隊依家仲係阿聯酋踢緊亞洲盃爭出線，今晚深夜仲會挑戰東道主阿聯酋，呢場波會決定佢哋出線資格，隨時可能決定埋看守教練施里沙克命運。至於係咪雲格已經準備好隨時上任？暫時雲帥就未有回應。
現年69歲嘅雲格，上季尾離開阿仙奴之後，曾經同意甲AC米蘭扯上關係，又有傳過佢會去亞洲執教一支國家隊。以佢以前喺日本都教過波嚟睇，真係再嚟亞洲都唔出奇，大家記得密切留意我哋《東網》最新報道。
東網體育FB同你追實體壇每個精彩時刻！
支持本地運動員，一齊去「睇體」！