【教授新工】人紅爭住搶 呢隊爭雲格打世盃
20190114
東網電視
更多新聞短片
(Getty Images/互聯網)
法國名帥雲格突然「被執教」泰國，係真係假暫時冇人知，不過其實亞洲國家睇中雲格唔係新鮮事，事關就早幾日，已經有傳卡塔爾國家隊想斟佢，帶隊出戰由佢哋主辦嘅2022世界盃，不過家陣突然傳到變泰國，就真係估佢唔到喎！
根據著名嘅《法國足球》報道，佢哋話卡塔爾足總一直對過去僅曾出任巴塞隆拿青年隊教頭嘅現任領隊費力山齊士唔多滿意，認為應該要搵個大牌教練壓場，帶隊出戰2022世界盃。查實之前已經傳出佢哋搵過前摩納哥教頭查甸同施丹，不過呢次就傳到話搵雲格，至於「教授」最終係去教邊隊？就仲要睇清楚最新消息，千祈咪跟車太貼呀！
東網體育FB同你追實體壇每個精彩時刻！
支持本地運動員，一齊去「睇體」！