街頭自瀆表演！北愛國腳揈走光明前途
20190116
東網電視
更多新聞短片
英國球壇驚爆羞家醜聞！效力英甲球會牛津聯嘅北愛爾蘭國腳加雲韋達，最近竟然成為「A片」男主角，呢位22歲前鋒早前同另一位朋友，半夜時份喺街頭進行「自瀆表演」，兩人除低條褲露出下體，一邊唱歌一邊打J，期間仲捉住重要部位大玩花式狂揈，成個過程由第三者拍低晒，完全唔知個醜字點寫。
片段流出後喺網上瘋傳，英國警方接報後已正式進行調查，並且傳召加雲韋達問話，牛津聯亦發聲明表示：「就加雲韋達上周末喺北愛爾蘭嘅事件，球會已向佢作出警告。加雲韋達嘅行為完全不能接受，我哋會同球員以及北愛足總合作，確保佢知道自己嘅責任。」
加雲韋達今季有4個聯賽入球，係牛津聯陣中第3射手，上年9月晉升為北愛爾蘭大國腳後表現突出，國家隊首演只係108秒就「開齋」，至今4次為國家隊披甲攻入1球，不過今次事件，連北愛領隊米高奧尼爾亦大失所望：「佢喺影片入面所作所為難以接受，遠遠低於大家對一個北愛爾蘭國腳嘅期望。」
牛津聯領隊卡爾羅賓遜就話，加雲韋達平時係一個沉默同有禮貌嘅後生仔，但係呢段影片見到佢「完全唔同嘅性格」。加雲韋達潛質優厚，盛傳有唔少英冠球會睇中佢，但係經過呢次羞家醜聞，光明前途隨時化為烏有。
東網體育FB同你追實體壇每個精彩時刻！
支持本地運動員，一齊去「睇體」！