【東體爭議】有人話阿仙奴炒錯咗雲格
20190118
東網電視
更多新聞短片
雲格上年離開阿仙奴。(Getty Images)
阿仙奴喺英超主場對車路士前，領隊艾美利同傳媒講，預咗冇辦法喺冬季轉會市場增兵，搞到比堤火都起埋，質疑兵工廠高層唔想改革，當初點解要炒雲格。
球員時代為阿仙奴拎過唔少錦標嘅比堤咁講：「雲格好似係走咗，但故事冇改變。我好失望，因為艾美利遇到同雲格一樣嘅問題，根本冇嘢改變過，咁點解要炒雲格？如果有人話到我知，我會好多謝佢。」
比堤仲話：「假如你唔畀艾美利實權，容許佢簽想簽嘅新球員，改變球隊嘅踢法，搞咁多嘢做乜？」其實艾美利簽唔到人之餘，佢唔鍾意嘅艾朗藍斯同奧斯爾都有可能離隊，意味兵工廠嘅牌面同雲格時代相比，將會更加弱。
季初兵工廠一度連盃賽11連勝，的確畀到球迷希望，點知最近佢哋戰績下滑，排名跌到聯賽榜第5位，只能夠再次以前4名做目標。不過平心而論，上季阿仙奴連爭前4名嘅希望都冇，大部分時間等收咧咁嘅格局，今季有得爭算係有進步真咪？
支持本地運動員，一齊去「睇體」！
東網體育FB同你追實體壇每個精彩時刻！