【冬季轉會】傷都照殺！亨利向曼聯借費蘭尼
20190119
東網電視
更多新聞短片
法甲勁旅摩納哥今季戰績低迷，依家更深受降班威脅，教練亨利1月份四出招兵救亡，繼簽入西班牙中場法比加斯後，據報佢再向曼聯提出借用費蘭尼，就算呢位比利時國腳要養傷1個月都係咁話！
法國媒體《RMC》爆料，摩納哥已經向曼聯提出借用方案，由於費蘭尼喺蘇斯克查手上已經淪為「大茄」，「紅魔鬼」對於放人係唔反對，不過暫時未知費蘭尼個人意向係點，而呢單轉會最大麻煩，係費蘭尼早前受傷預計要抖1個月，即係摩納哥就算借到都唔可以即刻用，不過亨利之前喺比利時國家隊做助教，同費蘭尼已經合作過，似乎對佢真係情有獨鍾喎！
東網體育FB同你追實體壇每個精彩時刻！
支持本地運動員，一齊去「睇體」！