【有片】英超失機王走喇 下一站返鄉下
20190121
東網電視
更多新聞短片
(互聯網)
車路士不敵阿仙奴，球迷好唔高興，但嚟緊總算有單好消息，就係西班牙前鋒艾華路莫拉達終於走喇！佢將會以先借後買形勢，重返母會馬德里體育會，其買斷嘅轉會費為6000萬歐元，比起佢兩季前加盟車路士，足足平咗2000萬歐元。
26歲嘅莫拉達大好前途，如果表現正正常常，喺大球會車路士應該有好發展，躋身一線球星，可惜佢實在唔爭氣，嚟到英超做咗失機王，上季英超只入11球，但浪費機會嘅畫面多都數唔晒，有球迷幫佢製作一條「失機片」，可見佢幾唔掂。
莫拉達職業生涯曾兩度效力皇馬，亦踢過祖雲達斯，依家喺車路士敗走，但原來佢係馬體會青訓學徒出身，今次外借去馬體會係真正嘅返鄉下。
支持本地運動齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！