足總盃　又鍊過！夢想FC撼東方龍獅

足總盃周日（27日）展開首圈賽事，頭場於深水埗運動場上演，由夢想FC對東方龍獅。雙方上輪均成功後上逼和對手，士氣提升，兩軍聯賽首循環交手時，東方贏4比0，今換個戰場再碰面，想必有一番惡鬥！（周日下午2時30分開賽）

東方龍獅自踏入2019年後未逢一敗，上場聯賽對富力R&F憑林嘉緯入球逼和對手，來到足總盃戰線，主教練「牛丸」陳婉婷表示：「足總盃係我哋其中一個目標，球員好有決心去踢呢場比賽。呢場係一場過嘅淘汰賽，最重要係先做好自己，我哋會比較進取，希望盡快打開紀錄。球隊最近進攻效率唔理想，希望今場有改善。」人腳方面，東方龍獅目前有曾錦濤、徐德帥養傷未能上陣。

夢想FC上輪聯賽憑藉馬高斯的入球，以1比1逼和香港飛馬，今仗對東方龍獅，主教練梁志榮謂：「盃賽就順其自然啦，始終都係聯賽緊要啲，不過我哋都要搏，今場戰術同之前都係差唔多，但踢法會進取啲！」「梁Sir」亦透露球隊有在訓練中預習互射12碼：「我哋又唔係冇機會打和、冇機會贏，大家都有機會，所以呢樣嘢一定要做。」夢想FC早前宣布簽入日本中堅川瀬浩太，惟因工作證問題，未能趕及今場披甲，門將謝家榮則未痊愈。