【空難追蹤】美斯出面一呼百應 搜救將重開！
20190127
東網電視
更多新聞短片
上周一登上小型飛機後失蹤嘅阿根廷球星伊美利安奴沙拿，懷疑遇上空難生死未卜，不過有關當局日前以「生存機會渺茫」為理由終止搜救行動，令球壇大為震怒。沙拿嘅法國經理人公司Sport Cover日前搞咗個籌款網站，希望籌募經費進行私人搜救，隨住阿根廷「球王」美斯亦出手支持，據報搜救沙拿行動有望短期內重啟！
籌款網站1日內已有超過3,500人捐款，目前籌到超過26萬歐元，只要達到30萬歐元目標就可以即刻展開搜救。據報阿根廷2大球王美斯、馬納當拿都「出錢出力」呼籲搜救重開，拉比奧特、哥斯尼、根度簡、干度比亞、哥倫天杜利素同迪馬雷格雷等球星亦有捐款，英國《BBC》報道，隨住一眾球星捐款同支持，私人搜救行動重開指日可待，沙拿家人將會聘用2隻搜救船繼續尋找沙拿下落。另外，阿根廷總統馬克里亦下令外交部長，向英國同法國當局要求重新展開搜救行動。
東網體育FB同你追實體壇每個精彩時刻！
支持本地運動員，一齊去「睇體」！