【賽後解碼】YNWA!利物浦聯盟連環打爆曼城

20190130
東網電視
更多新聞短片
賓尼迪斯喺2005年帶領利物浦神奇贏歐聯冠軍,唔少「紅軍」球迷都視佢為偶像,雖然佢依家教緊紐卡素,但周三(30號)英超擊敗曼城,就喺利物浦爭取首奪英超冠軍嘅路途上作出極大貢獻,連埋另一位前利物浦主帥鶴臣,有利迷話當球隊捧盃後,應該分埋獎牌畀佢哋2個喎!
利物浦周四(31號)如果順利贏李斯特城,將會領先曼城7分,捧英超冠軍機會高唱入雲。高普帶領利物浦踢出王者霸氣當然犀利,而賓尼迪斯今場帶領紐卡素反勝曼城2比1,終止「藍月亮」各項賽事8連勝氣勢,無疑係對曼城分數同心理上嘅致命打擊。呢場係曼城今季聯賽第4場敗仗,其中一場2比3輸畀水晶宮,對手領隊鶴臣又係前利物浦主帥,認真巧妙。
曼城輸波後,大批利迷狂讚賓尼迪斯「有料」,更有球迷話利物浦捧盃之後應該分一面獎牌佢「肥賓」作為答謝。
東網體育FB同你追實體壇每個精彩時刻!
支持本地運動員,一齊去「睇體」!