【東體爭議】驀然回首 夏薩特最佳拍檔係佢
20190202
東網電視
更多新聞短片
車路士經過開季精彩演出後，近期表現大幅下滑，「箭靶」艾華路莫拉達已經被送走，換入另一個受到球迷質疑嘅射手希古恩，車路士下半季係咪會重新振作仲係未知數，不過如果睇數據，王牌球星夏薩特嘅最佳拍擋其實早喺陣中。
意大利教頭沙利一直堅持自己用人原則，法國前鋒基奧特雖然落親場都有貨交，不過沙利就絕少用佢，之前就算唔用艾華路莫拉達，寧願搵夏薩特踢「假9」都唔用基奧特，但係數據顯示，原來夏薩特同基奧特同時上陣，車仔成績係冇得頂！
今季24場聯賽當中，夏薩特同基奧特有6場係齊齊正選上陣，車仔拎到4勝2和不敗成績，平均入1.8球而只失0.3球，可見呢個陣式係攻守平衡；相反佢哋冇一齊踢嘅18場聯賽，球隊只得10勝3和5負，平均入球1.6而失球就高達1.2球。
東網體育FB同你追實體壇每個精彩時刻！
支持本地運動員，一齊去「睇體」！