菁英盃　東方龍獅佳聯元朗力爭開齋

「菁英盃」周日（3日）雙響炮，頭場斧山道運動場的A組賽事，由剛簽入前菲律賓國家青年軍的東方龍獅，火併傷兵滿營的佳聯元朗；尾場B組理文與冠忠南區，會於將軍澳運動場碰頭。各隊除希望爭取分數保持出線機會外，更想於狗年完美收爐，以漂亮勝仗迎接豬年的來臨！

東方龍獅近期走勢一般，自上月初擊敗凱景後，只錄得2和1負戰績，上仗足總盃首圈更不敵夢想FC，主教練陳婉婷坦承：「上仗上半場我哋表現水準以下，下半場力挽狂瀾但已經唔夠時間追，球員信心、士氣點都有影響。」回到「菁英盃」戰線，「牛丸」期望藉比賽備戰：「我哋嚟緊要踢兩場菁英盃，喺呢兩個禮拜會針對去改善一啲問題，亦希望透過菁英盃保持狀態，但係目標都係菁英盃之後嘅聯賽。」中場茹子楠落實加盟葡甲球會科瓦彼達迪的同時，東方簽下能出任中場及後衞的20歲菲英混血小將佐敦查維斯，今仗可望候命。

同樣在菁英盃未響勝鼓的佳聯元朗，主教練郭嘉諾預計今仗雙方均會力爭全取3分，以扭轉小組形勢︰「目前我哋兩隊處於榜尾，點都想試吓仲有冇機會，相信『牛丸』都咁諗，尤其佢哋兩個盃賽出晒局。如果我哋今場波攞唔到分嘅話，剩番兩場都仲有搶分機會。我哋有啲球員接近收成期，例如重點培訓嘅李靄軒同埋黃本煒，希望畀到佢兩個多啲機會。」元朗目前有不少傷兵，除卡立及葉子俊因傷缺陣外，陳嘉豪、羅振庭及陳柏衡亦有不同程度的傷勢，「郭Sir」或要安排原本休息的法比奧落場。（周日下午2時30分開賽）