安察洛堤證實！咸錫即將加盟大連一方
20190203
東網電視
更多新聞短片
歐洲各大聯賽嘅冬季轉會市場已經完結，不過中超轉會窗仍然未閂，意大利周日(3號)更爆出驚人消息，拿玻里中場主力咸錫正同中超球會斟介，而且非常接近成事，據報呢位斯洛伐克球星將會同大連一方簽約3年，年薪高達900萬歐元。
拿玻里周日主場3比0贏森多利亞後，教練安察洛堤證實咸錫可能就快離隊：「轉會談判衣家正進行當中，咸錫喺拿玻里創造歷史，球會對佢非常尊重，如果佢想尋求新發展，我哋會盡量幫佢達成。」
現年31歲嘅咸錫2007年加盟拿玻里，依家係球會史上入波最多(121球)同上陣最多(519場)球員，超越拿玻里名宿馬納當拿，絕對係拿玻里嘅傳奇。
曼聯幾年前都想收購咸錫，但未能成事，估唔到反而畀中超球會得手。內地媒體報道，大連一方向咸錫開出3年合約，原本拿玻里希望收到2,500萬歐元至3,000萬歐元轉會費，不過經多輪談判之後，最終只係1,500萬歐元就成交。
東網體育FB同你追實體壇每個精彩時刻！
支持本地運動員，一齊去「睇體」！